නදීමාල් එයි......
 |
| මර්වින් පෙරේරා |
 |
| අමල් පෙරේරා |
නදීමාල් පෙරේරා
පියපුතු දෙදෙනා මෙරටින් පිටවී ඩූබායි රටේ සාදෙට යන්නේ
එහේ පොලීසිය සාදය වටලා ඔක්කොම හිර බාරෙට ගන්නේ
ගියේ කොහේදැයි දැන ගෙන ගිය බව පුතු මෙහේ ඇවිදින් පවසන්නේ
යන්නේ කොහෙදැයි පියාම කී බව සීඅයිඩියටයි දන්වන්නේ
පසුගිය පෙබරවාරි පස්වැනිදා මුළු රටක අවධානය පැහැර ගත්තේ පාතාල කල්ලි නායකයකු හා මත් ද්‍රව්‍ය මෙරටට ගෙන්නා බෙදා හරින්නකු හා සමග ලාංකිකයන් විශාල පිරිසක් ඩුබායි පොලීසිය මඟින් සාදයක් වටලා අත් අඩංගුවට ගත් බවයි.
පසුගිය පෙබරවාරි පස්වැනිදා මුළු රටක අවධානය පැහැර ගත්තේ පාතාල කල්ලි නායකයකු හා මත් ද්‍රව්‍ය මෙරටට ගෙන්නා බෙදා හරින්නකු හා සමග ලාංකිකයන් විශාල පිරිසක් ඩුබායි පොලීසිය මඟින් සාදයක් වටලා අත් අඩංගුවට ගත් බවයි. මේ ප්‍රවෘත්තිය තුළ තවත් වැගත් ප්‍රවෘත්තියක් සැඟවී තිබිණි. ඒ ශ්‍රී ලාංකික කලාකරුවන් තිදෙනෙකුද එසේ අත්අඩංගුවට පත්වූ පිරිස අතර සිටින බව සැළවීමයි. ගායන ශිල්පී අමල් පෙරේරාත් ඔහුගේ පුත් යොවුන් ගායක නදීමාල් පෙරේරාත් ඒ කලාකරුවන් අතරින් දෙදෙනකු විය.
මර්වින් පෙරේරා අපට සිටි ප්‍රවීණ ගායකයෙකි. සංගීතඥයෙකි. ඔහුගේ ගායනා වර්තමානයේ වුවත් නොනැසී පවතින්නේ ඒවායේ ඇති ගුණාත්මක බව නිසාය. අමල් පෙරේරා මර්වින් පෙරේරාගේ පුත්‍රයෙකි. ඔහුද ශ්‍රී ලංකාවේ ජනප්‍රිය ගායකයෙකි. නදීමාල් පෙරේරා ඔහුගේ පුත්‍රයෙකි. එසේ බැලූ විට මේ ගායන උරුමය පරම්පරා තුනක් තිස්සේ පවතින්නකි.
ගායකයන්ගේ පෞද්ගලික හුරුපුරුදු ගැන කතාවක් අපට ඇත්තේ නැත. අපට ඇත්තේ මේ ඉහළක සිට පහළට ගලා ආ මේ ගායන හැකියාමය වරප්‍රසාදය පිළිබඳ කතාවකි.
මව් රටට එන්නට වරම් ලද නදීමාල් බලධෘරීන්ට කියා ඇත්තේ තමාගේ පියා මෙරටින් පිට වන්නට පෙර යන හේතුව ගැන තමන්ට පැහැදිලි කිරීමක් කළ බවයි. එයින් හැඟෙන්නේ රටක ජනතාව සාමාන්‍යයෙන් ප්‍රතික්‍ෂෙප කරන වාණිජමය චරිත ලක්‍ෂණ ඇති පුද්ගලයකු සහ එතැනට රැස්වන අනෙක් පිරිස පිනවීම සඳහා මුදල් වෙනුවෙන් තම සහභාගීත්වය ලබා දීම සඳහා නොබියව ගිය බවයි.
එසේ නම් ඒ කියාපාන්නේ මුදල් ලැබේ නම් ඕනෑම වර්ගයක කටයුත්තක් වෙනුවෙන් තමා සතු කලා හැකියාව පාවා දීමට තරම් තමන් නිවට තත්ත්වයකට වැටුණු බවද? අමල් පෙරේරා ගැන මොහොතකට අමතක කළත් නදීමාල් පෙරේරා ගැන දැනෙන්නේ නම් දුකකි.
නදීමාල් තවම විසිහතර වියැතිය. ඔහු තම සීයාගේ ගීත ඉතා මැනැවින් ගයයි. එසේම තමාගේම කිව හැකි ගීතද හොඳින් ගැයීමේ හැකියාවක් ඔහු සතුය. එවැනි වර්ධනය කර ගත හැකි උපන් හැකියාවක් ඇති නදීමාල් තම පියා සහ මුදල් නිසා ජීවිතයේ යම් තැනකදී වරදක් කර ගෙන ඇත.
ඒ වරද නිවරද කර ගෙන ඉදිරියට යාමට හැකියාව ඇත්තේද ඔහුටමය.
No comments:
Post a Comment