රුපියල් කෝටි අනූහතේ වියදම
ඒවා සුළු වැඩ අපට සල්ලි ඇත වියදම් කරනා අය දන්නේ
අරක්කු බොන්නට දුම්වැටි උරනට මත් වෙන්නටනේ උර දෙන්නේ
විශ්වාසෙටවත් ගන්නට හැකිවෙද එතනයි රටවැසියන් ඉන්නේ
ඔබට මට විශ්වාස කළ හැකිද? එක දවසකට අරක්කු බොන්නට රුපියල් කෝටි පනහක්ද, රුපියල් කෝටි නවයක ප්‍රමාණයක් බියර් සඳහාද, තවත් කෝටි තිස්අටක් දුම්වැටි සඳහාත් වැය කරන්නට අපේ රටේ උදවිය මැළි නොවන බව පවසන්නේ මද්‍යසාර හා මත්ද්‍රව්‍ය තොරතුරු මධ්‍යස්ථානයේ වාර්තාවකි.
මේ ගණනය කිරීම් කර ඇත්තේ සුරාබදු සහ දුම්කොල සමාගමේ දත්ත ඇසුරෙන් බවද කියැවේ.
ඒ කෙසේ වෙතත් මේ තත්ත්වය අදහා ගත නොහැකි තරම්ය. දවසකට තියා මාසයකට හෝ මේ තරම් වියදමක් දරන්නට හැකි වීමම පුදුම සහගතය.
ඇත්තටම මේ තරම් මුදලක් මත් වෙන්නට වැය කරන්නට අපේ රටේ උදවිය අත මුදල් ඇති නම් අපේ රට දුප්පත් වන්නේ කෙසේද? අයවැය වාර්තාවලින් සාමාන්‍යයෙන් හැම අවස්ථාවකදීම වාගේ මත්පැන් දුම්වැටි හා අය කැරෙන බද්ද වැඩි කරනු ලබයි. අරක්කු බෝතලයේ දුම්වැටියේ මිල බලා ඉඳිද්දී ඉහළ නගියි. ඒත් භාවිතයේ නම් සැලකිය යුතු අඩුවක් නැති බව මේ වාර්තාව දෙස බැලූ විට තහවුරු වෙයි.
රටේ පිරිමින්ගේ හා කාන්තාවන්ගේ එදිනෙදා චර්යා ධර්ම ගැන විවේචනය කරන්නට ගුණ දොස් ගයන්නට යෑමේ අර්ථයක් නැත. ඒ සියල්ල සිදු වන්නේ තම තමන්ගේ පෞද්ගලික අවශ්‍යතා මත නිසාය.
ඒ කෙසේ වෙතත් මත් වෙන්නට, තාවකාලික සුවය ලබන්නට දිනකට මේ තරම් මුදලක් වැය කරන ජනතාවක් ඇති රටක හෙට දවස ගැන කතා කරන්නට ඇත්තේ කුමක්දැයි තේරෙන්නේ නැත.
No comments:
Post a Comment