සිරි ලංකාවේ තවත් තීන්දුවක් ඊයේ දිනයෙදි පළ වෙන්නේ
මහතා නාගානන්දට විරුදුව තහනමක්ය ඒ පළ වෙන්නේ
අවුරුදු තුනකට උසාවි එනු බැහැ කියලයි ඒකෙන් කියැවෙන්නේ
වරදක්වීලා ඇති බව කියැවේ ඒකයි තහනම පැනැවෙන්නේ
අධිනීතිඥ නාගානන්ද යනු මෙරට සුප්‍රසිද්ධ නීතිවේදියෙකි. මෑතක සිට ඔහු තවත් ප්‍රසිද්ධව සිටින්නේ සාමාන්‍ය මහජනයාගෙන් සැඟවී ගත් එහෙත් සමාන්‍ය මහජනතාවටද වැදගත් යම් තොරතුරු සම්බන්ධයෙන් සත්‍යය නිරාවරණය කරන්නට ඉදිරිපත්වීම නිසාය. ඔහු අන්තර්ජාලය හරහා කළ තොරතුරු විග්‍රහයන් සාමාන්‍ය ජනතාවට ගෝචර වන ආකාරයේ විය.
මේ අවස්ථවේදී ඔහුට එල්ලවී ඇත්තේ දැනට ශ්‍රේෂ්ඪාධිකරණයේ විනිසුරුතුමකු ලෙස කටයුතු කරන මහතකුට අපහාස වන හා මහජනතාවට ඒ මහතා කෙරෙහි අප්‍රසාදයක් ඇති වනසේ අධිකරණයට කරුණු ඉදිරිපත් කිරීම යන චෝදනාවයි.
නාගානන්ද මහතා අත්දැකීම් බහුල පළපුරුදු නීතිවේදියකු වූවත් ඒ මහතා අතින්ද යම් ප්‍රශ්නයක් ඇතිවී තිබෙන බව පැහැදිලිය. ඔහුට දඬුවමක් ලබාදී ඇත්තේ ඊට සරිලන ලෙසින් විය යුතුය.
ඒ නිසා වරදක් පසුපස දඬුවමක් හඹා යන බව අධිකරණ තීන්දුවෙන් පැහැදිලි වේ.
No comments:
Post a Comment