සීනුව බඳින්නේ කවුද?
එක්තරා සිල්ලර වෙළඳ සැලක මීයන් රැසක් ජීවත් වුණා. මේ මීයන් වෙළඳ සැලේ ඇති හැම ආහාර ද්‍රව්‍යයක් ම තමන්ගේ ආහාරය සඳහා යොදා ගන්නට පුරුදු වී සිටියා.
එනිසා ම ඔවුන් දවසින් දවස ශරීර ප්‍රමාණයෙන් මහත් වී වැඩුණා
මීයන්ගේ මේ දැඩි බලපෑම නිසා වෙළඳ සැල හිමිකරු විශාල දුෂ්කරතාවන්ට මුහුණ දී සිටියා. මීයන් නිසා ඔහුට විශාල වශයෙන් පාඩු ලබන්නට සිදු වුණා
මේ බළලා තමන්ට සහජයෙන් ම හුරු මී දඩයම පටන් ගත්තා.
මහත මීයන් එකිනෙකා අල්ලා මරා දමා තම ආහාරයට ගත්තා.
තම වර්ගයා ක්‍රමයෙන් අඩුවී යන තර්ජනය නිසා මීයන් පසුවුණේ කනස්සල්ලෙන්.
මේ අලුතින් පැමිණි බළල් තර්ජනය ගැන සාකච්ඡා කරන්නට ඔවුන් හදිසි රැස්වීමක් කැඳවනු ලැබුවා.
"අපි මේ නපුරු බළලා ගෙන් ඉක්මනට ගැලවෙන්නට ඕනේ." මී නායකයා කීවා.
"ඒත් ඒක කොහොම ද කරන්නෙ?" මීයෙක් ප්‍රශ්න කළා.
හැම මියාට ම ඇති වූ ප්‍රශ්නයක් එය ම තමා. හැම දෙනාම ඒ ගැන සිතන්නට වුණා.
නපුරු බළලා ගෙන් ගැලවෙන ක්‍රමයක්?
එක මීයෙක් විසඳුමක් ඉදිරිපත් කරමින් කතා කළා
"අපි මේ මහත බළලාගේ බෙල්ලෙ සීනුවක් එල්ලමු. බළලා අපව හොයාගෙන එන විට සීනුව සෙලවෙන නාදය අපට ඇහෙනවා නේ. අන්න ඒ් වෙලාවට අපට අපේ ගුල් තුළට රිංගලා අපේ පණ බේරා ගන්නට පුළුවන් වේවි." ඒ තමා මියා ඉදිරිපත් කළ විසඳුම.
මීයා ඉදිරිපත් කළ විසඳුම නිසා පිරිසේ සිටි අනෙක් හැම මියකු තුළ ම ඇති වුනේ දරාගන්නට බැරි තරම් සතුටක්. ඔවුන් ප්‍රීතියෙන් නටන්නට වුණා. ඒත් ඒ ප්‍රීතියත්, නැටුමත් පැවතුණේ බොහොම ටික වෙලාවයි.
අත්දැකීම් ඇති වියපත් මීයකු තම පිරිසේ මේ සතුට විඳ ගැනීමට බාධා කළා.
ඔහු කතා කළේ හඬනගායි.
"නවත්තපල්ලා ඔය විකාර. ඊට පස්සේ මං මේ අහන ප්‍රශ්නෙට උත්තර දීපල්ලා.
බළලාගේ බෙල්ලේ සීනුව බඳින්නේ කවුද?"
පිරිසේ සිටි කිසි ම මීයෙකුට මේ ප්‍රශ්නයට උත්තරයක් දෙන්නට බැරි වුණා.
ඇයි කියා දරුවන්ට වැටහෙනවා නේද?
No comments:
Post a Comment