වැදගත් - ප්‍රශ්න පත්‍රය සැකසීමේදී “ධාරාණිපාත” යන වචනය තුන්වැනි ප්‍රශ්නයට අදැාළව භාවිත කොට ඇත.
එම වචනය “ධාරානිපාත” ලෙස නිවැරැදි විය යුතු බව කාරුණිකව සැලකිල්ලට ගත යුතුය.
ඒ ගැන අපගේ කනගාටුව.
පහත දී ඇති කොටස ඇසුරෙන් අසා ඇති ප්‍රශ්නවලට පිළිතුරු සපයන්න.
“‘කපනවා’ යන ක්‍රියා පදය විවිධ පද, විවිධ අර්ථ දනවමින් බස් වහර සරසයි. ඉතා තදින් වහින වැස්ස හැඳින්වීමට ‘නා කපන වැස්ස’ යන වහර යෙදේ. ඊට දෙයාකාරයකින් අර්ථ නිරූපණය කෙරේ. එකක් තද වැසි නිසා කඳු ‘නාය’ යන්නට පටන් ගනී. එය ‘නාය කපන’ වැස්ස ලෙස සමහරු සලකති. තවත් සමහරුන් කියන්නේ මේ වහර යෙදී තිබෙන්නේ ‘කප නහන’ යන පද දෙකේ පෙරළියෙන් බවයි. ‘කප’ හෙවත් කල්පය අවසානයෙහි මහා වර්ෂාවක් එතියි බෞද්ධයෝ අදහති. මේ වැස්ස කප නහන්ට සමත් වන නිසා ඊට ‘නහ කපන්ට’ පුළුවන් බව කියැවේ. ‘නහ කපන්නට’ යනු පසුව ‘නා කපන්ට’ වී ලු.”
අධික වර්ෂාව ලැබීම නිසා පසින් සැදි කඳුවල තෙතමනය ඉහළ යයි. ඒ නිසා පස් අතර බැඳීම ලිහිල්වන අතර පස් සේදීමේ ස්වභාවය වැඩි වෙයි. මේ නිසා පස් කොටස් වැසි ජලයෙන් සේදෙමින් පහළට කඩා වැටෙන්නට පටන් ගනියි. ‘කඳු නාය යෑම‘ යනු එයයි.
(ඔබේ පිළිතුරට අදාළ අදහස ඇතුළත් වීම සෑහේ. අදහස නිවැරැදිව පළ වේ නම් පිළිතුර සඳහා ලකුණු ලැබේ.)
2) ‘බස් වහර’ යන යෙදුම පහදන්න.
‘බස් වහර’ යනු ‘භාෂා ව්‍යවහාරය’ යන යෙදුම වෙනුවට යොදා ගෙන ඇති සරල සිංහල වචනයි. මෙයින් අදහස් වන්නේ බස හෙවත් භාෂාව සාමාන්‍ය භාවිතය එහෙමත් නැති නම් එදිනෙදා කතාබහ සඳහා යොදා ගැනීම ගැනයි.
(ඔබේ පිළිතුරට අදාළ අදහස ඇතුළත් වීම සෑහේ. අදහස නිවැරැදිව පළ වේ නම් පිළිතුර සඳහා ලකුණු ලැබේ.)
3) ‘මහා වර්ෂාව’ යන යෙදුම වෙනුවට ‘ධාරානිපාත වර්ෂාව’ යන යෙදුම භාවිත කළ හැකි ද? නොහැකි ද?
භාවිත කළ හැකියි.
4) මේ පද පෙරළි පහදන්න.
අ) මන්න පිල - පින්න මල
ආ) වත්තල පිංගෙඩිය - පිත්තල වංගෙඩිය
5) “වැස්ස වහිනවා - අකුණු හඬනවා” - ‘අකුණු හඬනවා’ යන ඔබේ වචනයෙන් පහදන්න.
අපේ සාමාන්‍ය භාවිතයේ ඇත්තේ ‘අකුණු ගහනවා’ යන්නයි. අකුණක් යනු විදුලිය කෙටීමක් වුවත් අකුණ යනු ඊටත් එහා ගිය තරමක් දැඩි ඒ වගේම දරුණු ස්වභාවයක් ගත් විදුලිය කෙටීමක් ලෙස ගත හැකියි.
‘අකුණු හඬනවා’ යනුවෙන් අදහස් කර ඇත්තේ විදුලිය කෙටීමට පසුව ඒ හා සමගම නැගෙන ගෙරවුම් හඬයි. ඒ හඬ කවියා අකුණෙන් නැගෙන හැඬුම් නාදයක් ලෙසින් හඳුන්වා ඇතැයි කිව හැකියි.
(ඔබේ පිළිතුරට අදාළ අදහස ඇතුළත් වීම සෑහේ. අදහස නිවැරැදිව පළ වේ නම් පිළිතුර සඳහා ලකුණු ලැබේ.)
6) ඉහත කොටසේ ඇති පහත දක්වන වචන සඳහා සමාන පද ලියන්න.
අ) වැස්ස - වර්ෂාව
ආ) බස් - භාෂාව
No comments:
Post a Comment