අද දවසේ කවිය 'හදිස්සි විදුහල්පති මාරුව අවලංගු වේ.'
කිසිම හේතුවක් දක්වා නැත්තේ විදුහල්පති නම් යවා ඇතේ
දෙමව්පියන් සැම එකමුතු වීලා ළමයින් පාසැල් යවා නැතේ
අලුතින් ආ ඒ විදුහල්පතිවත් පාසැල තුළ සිර කරන් ඇතේ
අධ්‍යාපනයේ ලොකු මහතකුගෙන් ප්‍රශ්නෙට විසඳුම ලැබෙනු ඇතේ
අඩුපාඩු ඇතත් ඒවා හැකි පමණින් හදා ගෙන විදුහල වෙනුවෙන් කැපවී කටයුතු කරන විදුහල්පතිතුමා කිසිම හේතුවක් නැතිව (නැතිවාම නොවේ) හදිසියේ මාරු කොට යවා ඇති සිද්ධිය වර්තා වෙන්නේ මහ විලච්චිය ප්‍රදේශයෙනි.
මේ විදුහල්පති තුමා තම අවංක සේවාව ලබාදී ඇත්තේ එහි ඇති කණිෂ්ඪ විද්‍යාලයකටය. එතුමා ඒ පාසැලට පැමිණ ඇත්තේ ළඟදීය.
පාසැලත් එහි ඇති අඩුපාඩුත් හොඳින් හඳුනා ගන්නට සමත්වූ එතුමා හැම දෙනාගේම සහාය ලබා ගනිමින් පාසැල් කටයුතු වඩාත් දියුණු කිරීමේ උත්සාහයක යෙදී ඇත. ඒ මහතාගේ හදිසි මාරුවට හේතුවී ඇත්තේ ආණ්ඩුකාරතුමකුගේ මැදිහත් වීමක් බව පසුව හැම දෙනාටම දැන ගන්නට ලැබී ඇත්තේ හැමදේම සිදුවූ පසුවයි.
ඒ ප්‍රශ්නය විසඳා නැවතත් පළමු විදුල්පතිවරයාම නැවත පාසැලට ලබා දෙන්නට පොරෛාන්දුවී ඇත්තේ අධ්‍යාපන අධ්‍යක්‍ෂතුමන්ය.
අධ්‍යාපන සේවාවේ නොවන උදවිය අනවශය මැදිහත්වීමක් එසේ ඇති නොකළා නම් ඒ කණිෂ්ඪ විද්‍යාලයේ ළමුන්ට පාසැල් දිනයක් අහිමි වන්නේ නැත. දෙමව්පියන් කලබල වන්නේ නැත. විදුහල්පතිවරයකු නිවාස අඩස්සියට පත් වන්නේ නැත.
මේ හැම විය නොයුතුදේ සිදුවී ඇත්තේ කිසියම් පුද්ගලයකුගේ අනවශ්‍ය මැදිහත් වීමක් නිසා බව පැහැදිලිය.
ඇති ප්‍රශ්න විසඳනවා වෙනුවට නැති ප්‍රශ්න ඇති කරන්නට යෑම නම් නොකළ යුතු දෙයකි.
No comments:
Post a Comment