පුස්තකාල මණ්ඩලයේ ප්‍රකාශන ආධාර ව්‍යාපෘතිය අතරමඟ නතරවී ඇතැයි වාර්තා වේ.
පුස්තකාල මණ්ඩලයේ ගැටළුව තවමත් විසඳෙනු නැති පැත්තේ
පොත් මුද්‍රණයට ආධාරත් දෙන කටයුතු නැවතීලා ඇත්තේ
පොත් ලියනා අය විමසුම් කෙරුවත් උත්තරයක් නම් නැහැ ඇත්තේ
ලැබුණු දේත් නැත පොත් ලියනා අය මඟ නැවතීලා දිරි නැත්තේ
ජාතික පුස්තකාල සහ ප්‍රලේඛන සේවා මණඩලයේ ව්‍යාපෘතියක් ලෙස පවත්වා ගෙන ගියේ ලේඛක ලේඛිකාවන්ට දිරි දීමක් ලෙස මුද්‍රණය සඳහා අදාළ වනසේ නිහ්චිත මුදල් ආධාරයක් ලබා දීමයි. මේ ආධාර මුදල නිකම්ම ලැබෙන්නේ නැත. ඒ සඳහා ඉදිරිපත් කරන පිටපත් ක්‍රමානුකූල සහ විධිමත් සමීක්‍ෂ ණයකින් අනුමත විය යුතුය. තවත් අනුගත විය යුතු කොන්දේසි ඇතත් කිසිවක් ලේඛක ප්‍රගමනයට බාධා කරන්නේ නැත. ඇතැම් අවස්ථාවල ලේඛකයා තුළ යම් ප්‍රශ්නයක් ඇති වුවත් ඒ ක්‍රමයේ දෝෂයක් නිසා නොව ලේඛකයාගේ පැත්තෙන් පෞද්ගලිකව බලපාන ප්‍රශ්නයක් නිසා විය හැකිය.
මේ ආධාර ලබා දීමේ ව්‍යාපෘතිය දැන් මාස කිහිපයක සිට සම්පූර්ණයෙන්මබ වාගේ නතරවී ඇති බවට වාර්තා වේ.එසේවී ඇති පාදක හේතුව ගැන නිශ්චයක් නැත. තිබුණත් ප්‍රශ්නය විසඳන්නට පියවර ගන්නා බවක්ද පෙනෙන්නට නැත. ඇතැම් විට උත්සාහයන් ගෙන ඇතත් ඒ කිසිවක්ම සාර්ථකවී නැති වෙන්නටත් පුළුවන
කෙසේ වෙතත් මේ ‘කඩා වැටීම’ තුළ ඇත්තේ බොහෝ විට ලේඛක ලේඛිකාවන් අතරමං වීම පමණි. ලංකාවේ පොත් ලියන හැම දෙනාටම එසේ නොවූවත් මේ ව්‍යාපෘතියේ අගය දන්නා අයට නම් එය එසේය. වගකීමක් ඇති උදවිය එකතුවී මේ ප්‍රශ්නය හොඳ ලෙසකින් විසඳා දේනම් එය රටේම වාසනාවකි.
No comments:
Post a Comment