නින්දේ පැත්ත
ඔබ රාත්‍රී නින්ද සඳහා තෝරා ගන්නේ කවර ඉරියව්ව ද? මුණින් අතට උඩුබැලි අතට නැති නම් දකුණු ඇලයට හැරී ද? එසේ නම් එවැනි සුපුරුදු ඉරියව්වකින් මිදෙන්නට දැන් කාලය ඇවිත් බව ඔබට මතක් කළ යුතුයි.
වම් ඇලයේ නින්ද
සිරුර ඇතුළත අම්ල ශ්‍රාවය
ඔබ රාත්‍රී ආහාරය මඳක් වැඩිපුර ගෙන නින්දට ගියහොත් නින්දේදී සිරුර ඇතුළත ඇතිවන ආම්ලිකතාව මුළු රැය පුරා ම සිදු විය හැකියි. ඒ නිසා ඔබේ සාමාන්‍ය සෞඛ්‍යයට බලපෑම් ඇති විය හැකියි. වෛද්‍ය විශේෂඥයන් සඳහන් කරන්නේ වම් ඇලයට හැරී නිදා ගැනීමෙන් එවැනි තත්ත්වයක් ඇති විම අඩු වන බවයි.
හදවතට ඉස්පාසුවක්
වම් ඇලයට හැරී නිදා ගැනීමේදී වඩාත් පහසු ආකාරයකින් හදවතේ ක්‍රියාකාරීත්වය සිදු වන බව වෛද්‍ය මතයයි. එවිට වඩාත් පහසුවෙන් සිරුර පුරා රුධිරය ගමන් කරවීමට හදවතට වඩා වැඩි ඉඩකඩක් ලැබෙනවා.
ගැබිණි මවුවරුන්
ගැබිණි මාතාවන් වම් ඇලයට හැරී නිදා ගැනීම වඩාත් හිතකර බව වෛද්‍ය මතයයි. දකුණු ඇලයට හැරී නිදාගත් විට සිදු විය හැකි දෙයක් වන්නේ ගර්භාෂය අක්මාවට තෙරපීමට ඇති ඉඩකඩ වැඩි වීමයි. එනිසා ගැබිණි මවුවරුන් වම් ඇලයට හැරී නිදන්නට හුරු වීම වඩා හිතකරයි.
No comments:
Post a Comment