ඇත්තටම අප එදාට වඩා දියුණු ද?
හැට හැත්තෑ දශක වල යම් කෙනෙකු රන් භාණ්ඩයක් උකස් කරන්නට අරන් ගියේ හැකි තරම් අප්‍රසිද්ධියේයි. ඒ කාලවකවානුවල රන් භාණ්ඩ උකස් ගන්නා මධ්‍යස්ථාන නගරාශ්‍රිතව පිහිටා තිබුණේත් අතළොස්සයි. ඒ කාලයේ රන් භාණ්ඩයක් උකස් කිරීම යනු අත්‍යවශ්‍ය වුවත් හැකි තරම් පරිස්සමින් කළ දෙයක්.
ඒත් අද තත්ත්වය පැහැදිලිවම වෙනස්. රට පුරා ඇති විවිධාකාර ආයතන රන් භාණ්ඩ තමන්ගේ ආයතනයේ උකස් තබ්බවා ගන්නට ලක්ෂ ගණන් විය පැහැදම් කරති. රූපවාහිනී නාළිකා ඔස්සේ වෙළඳ දැන්වීම් පළ කරති. එවැනි ඇතැම් දැන්වීම්වල රඟ පාන්නේ රටේ සුප්‍රසිද්ධ උදවියය. වත්මනෙහි නොයෙක් හේතූන් නිසා ආර්ථිකය සමතුලිත කර ගැනීම නොකළ හැකි වූ නොයෙක් තලවල ජනතාව රන් භාණ්ඩ උකස් කිරීම එදිනෙදා ජීවිතයට ඉතාම සමීප, නොකර සිටින්නට නොහැකි දෙයක් ලෙස සිතන තත්ත්වයට පත්වී සිටිතැයි සිතේ.
එදා සිදුවූ දේම අද එදාටත් වඩා සාරෙට සිද්ධ වේ.
හැබැයි අප දියුණුයැයි කියන්නේ අදය. ඇත්තටම අප එදාට වඩා දියුණු ද?
No comments:
Post a Comment