“වීදියේ පත්තරේ” - “බොකා”
වීදිවල නිසි හව්හරණක් නැති ආකාරයෙන් ජීවත්වන ජනතාව බොහෝ රටවල සිටින බව දුර්ලභ දසුනක් මෙන්ම දුර්ලභ තොරතුරක් ද නොවන්නේය.
එහෙත් එවැනි, සමාජයේ එතරම් අවධානයට යොමු නොවන ජන කොටසක් විසින් පුවත්පතක් සකසා මුද්‍රණය කොට ප්‍රකාශයට පත් කිරීම නම් බොහෝ විට අසාමාන්‍ය හිස් තොරතුරක් ලෙස කෙනෙකු සලකන්නට පුළුවන.
දකුණු බ්‍රසීලයේ, පොටෝ ඇලගෙරෙහි වසර දහනවයක කාලයක් තිස්සේ එවැන්නක් අඛණ්ඩව සිදු වන බව වාර්තා වේ.
මේ පුවත්පතේ දීර්ඝ නම වන්නේ “බොකා ඩි රුආ” ය. ප්‍රචලිත නම වන්නේ ” බොකා” ය. එහි අරුත වන්නේ “වීදියේ මුව” යන්නයි.
වීදිවල වෙසෙන අසරණ ජනතාවගේ හඬ, සමාජයේ අනෙක් විවිධ තලවල සිටින කාහටත් අසන්නට සලස්වන මාධ්‍යයක් ලෙසින් මෙම පුවත්පත හඳුන්වාදීමේ මූලික අදහස සපයාදී ඇත්තේ එරට ජනමාධ්‍යවේදීන් පිරිසක් විසිනි.
මේ පුවත්පත ආරම්භවී ඇත්තේ වසර 2000දීය අද වන විට මෙම පුවත්පත “ජාත්‍යන්තර වීදි පුවත්පත් ජාලයේ” (INSP) එකම සාමාජික පුවත්පත බවට පත්වී ඇත.
සෑම සිව් මසකටම වරක් පළ වන “බොකා”හී අඩංගු වන්නේ වීදි ජනතාවගේ සිතුම් පැතුම්, ප්‍රශ්න හා සම්මුඛ සාකච්ඡා ආදියයි.
මෙම පුවත්පතට මුල සිටම අනුගතව කටයුතු කරන මාධ්‍යවේදීන් දෙදෙනාට සහාය දැක්වීමට වෙනම පිරිසක් සිටී. පුවත්පතේ අලෙවිය ද සිදු වන්නේ වීදිවලමය.
“අපේ මූලිකම අරමුණ වන්නේ හඬක් නැති ජනතාවට හඬක් ලබා දීමයි.” පුවත්පතේ එක් මාධ්‍යවේදියකුගේ අදහසයි.
No comments:
Post a Comment