අද දවසේ කවිය
'පැන්ෂන් ගිය ප්‍රින්සිපල් කෝටියක කුඩු ඇදලා මාට්ටු.' - පුවතක්
සැප ඇති මෝටර් රථයක යන්නේ මත් කුඩු ඇත එහි සඟවාලා
විදුහල්පති ඇත තව කෙනෙකුන් හා කුඩු ගෙන යන්නට උර දීලා
පැන්ෂන් ගොස් ඇත විදුහල්පති නම් අවුරුදු හැට අටකුත් වීලා
කරන්නෙ මොනවද හොඳද නරකදැයි තේරුම් ගන්නට බැරි වීලා
බොහෝ අයගේ විශ්‍රාම දිවිය ගෙවෙන්නේ හුදෙකලාවමය. ඇතැම් විට තමන්ගේ දරුවන්ගෙන් හෝ නෑදෑයන්ගෙන්වත් හෝ සහනයක් නැතිවය. රජයේ සේවාවේ සිටියා නම් අඩු වශයෙන් මාසයකට වරක් ලබන දීමනාවට හිමිකම් කියයි. පෞද්ගලික අංශයේ සිටි සේවකයකු නම් එකවර ලබා ගත හැකි මුදලෙන් යැපිය යුතුය.
අවසනාවන්ත සිදුවීම වාර්තා වන්නේ විශ්‍රාම ගිය රජයේ සේවකයකු සම්බන්ධවය.මේ අදාළ පුද්ගලයා විශ්‍රාම ගොස් ඇත්තේ විදුහල්පතිවරයකුවී සිටියදී බව තේරුම් ගැනීම අපහසු නැත.
එවැනි ගෞරවනීය සේවාවක යුතුකම් ඉටු කළ වගකීම් දැරූ අයෙකු මුළු රටක් කතා කරන,මුළු රටේම බහුතරයක් ජනයා ප්‍රතික්‍ෂෙප කරන මත්කුඩු ජාවාරමකට සම්බන්ධවී කෙසේ කටයුතු කරන්නේදැයි සිතා ගැනීම පවා අපහසුය.
බොහෝ විට ඊට පාදක වන්නාවූ හේතුව මුදල් විය හැකිය. තමන්ගේ විශ්‍රාම දිවිය දැන් ගත කරනවාට වඩා උසස් ලෙසකින් ගත කරන්නට ඒ පුද්ගලයා සිතුවා විය හැකිය.
ඒ පසුබිම් හේතුව කුමක් වුවත් දැන් සමාජ විරෝධී කටයුත්තක් තමන් අතින් සිදුවී ඇතැයි ඔහුට පිළිගන්නට සිදුවේ. එය එසේ නම් ඒ සඳහා නීතිය යටතේ ඔහුට වන්දි ගෙවන්නටද සිදු වනු ඇතිය.
No comments:
Post a Comment