අඩු රුධිර පීඩනය
සිරුරේ සාමාන්‍යයෙන් පැවතිය යුතු තත්ත්වයෙන් වෙනස් වන අවස්ථා දෙකක් වන්නේ අධික සහ අඩු රුධිර පීඩන තත්ත්වයයි. මේ අවස්ථා දෙක ම සිරුරේ වෙනත් රෝග ඇති කිරීමේලා මූලික විය හැකියි.
අද අපේ අවධානය යොමු වන්නේ අඩු රුධිර පීඩන තත්ත්වය දෙසටයි.
එහෙත් ඊට පෙර මිනිස් සිරුරේ සාමාන්‍ය රුධිර පීඩන තත්ත්වය ගැන අදහසක් ඇති කර ගැනීම වැදගත්.
සාමාන්‍යයෙන් කෙනෙකුගේ රුධිර පීඩනය ඒ පුද්ගලයාගේ ස්ත්‍රී පුරුෂ බව මෙන් ම වයස වැනි කරුණු මත මූලික වශයෙන් ම රඳා පවතී.
රුධිර පීඩනය ප්‍රකාශ වන්නේ ප්‍රධාන කොටස් දෙකක් යටතේයි.
(1) හදවත රුධිරය ඉන් පිටතට පොම්ප කරන්නට යොදන පීඩනය Systolic pressure – මෙම පීඩන අගය 140 (mmHg) ලෙස පැවතීම සාමාන්‍ය තත්ත්වයයි.
(2) ස්ඵන්දන දෙකක් අතරේ හදවත ‘විවේකීව’ පවතින විට ඇති වන පීඩනය දෙවැනි අවස්ථාවයි. - Diastolic pressure – මෙම පීඩන අගය 95 (mmHg) ලෙස පැවතීම සාමාන්‍ය තත්ත්වයයි.
මේ දැක්වෙන අගයයන්ට වඩා අඩු තත්ත්වයක රුධිර පීඩනය පවතී නම් එයින් හැඟෙන්නේ ‘අඩු රුධිර පීඩන’ තත්ත්වයක් පවතින බවයි.
අඩු රුධිර පීඩන තත්ත්වයේ රෝග ලක්ෂණ
1. හිස කරකැවිල්ල - විශේෂයෙන් ම පැහැදිලි වන්නේ ඔබ පුටුවක වාඩි වී සිට නැගිටින අවස්ථාවේදී ඇති වන අදාළ තත්ත්වයයි.
2. කළු පැහැ තිත් දෙස බැලීමේදී බොඳ වන ගතියක් ඇති වීම.
3. සිරුරට දැනෙන වෙහෙස ගතිය.
4. වමනයට එන ගතිය.
5. ක්ලාන්තය
රෝගය සඳහා මුල් විය හැකි හේතූන්
කාන්තාවන් අඩු රුධිර පීඩන තත්ත්වයට ලක් විය හැකි වන්නේ ඔසප් අවස්ථාවලදී අධික ලෙසින් රුධිරය පිට වීම හෝ ගර්භිනී අවස්ථාවන්හිදීයි. ඇතැම් ඖෂධ භාවිතයේදී ඇති වන අතුරු ඵල ලෙසින් ද අඩු රුධිර පීඩන තත්ත්වය ඇති වෙයි. යම් ලෙසකින් ඔබ අධික ලෙස වමනය කරන අවධියක සිටී නම් එවිට ද රුධිර පීඩනයේ අඩු බවක් පළ කළ හැකියි.
කෙසේ වෙතත් ඔබ මේ ගැන තදින් සිහියේ තබා ගත යුතුයි. අඩු රුධිර පීඩන තත්ත්වය ශරීර අභ්‍යන්තරයේ ඇති විය හැකි රුධිර හීනතාව දක්වන සලකුණක් විය හැකියි. එසේ රක්තහීනතාවට අමතරව සිරුර ඇතුළත ඇති විය හැකි ආසාදන මෙන් ම දුරිත්මියාව (Dysrhythmia) රෝගය (හදවතේ ස්ඵන්දන වේගය අඩු හෝ වැඩි වීම) ගැන අඟවන සලකුණක් විය හැකියි. ඒ නිසා රෝග ලක්ෂණ පිළිබඳව දැනුවත් වූ වහා ම සුදුසුකම් සහිත වෛදවරයකු හමු වී උපදෙස් ලබා ගැනීම සුදුසු වෙනවා.
“නිරෝගීව සිටින්න.”
No comments:
Post a Comment